| 我們的歐達
2023年8月 - 全新五感旗艦店開幕典禮 特別篇
【新體驗 新感受 與GIORMANI一同掀開新一章】
MP店已經喺2023年8月1日舉辦咗開幕典禮啦!
我哋店以五感嘅視覺、嗅覺、聽覺、味覺同觸覺為主題，旗艦店佔地15,000呎，展示超過100款梳化家品，再配合嶄新梳化及生活體驗，務求帶給大家一趟全新體驗，同大家一齊為品牌掀開新一章!
當日場內預備咗一系列五感活動，依家就等小編帶你番去8月1日感受下啦!
GIORMANI茲曼尼全新五感旗艦店隆重開幕 香港首間家具店提供五感生活體驗
【永續 • 藝術 UPCYCLING • THE SECOND LIFE】
一入嚟就會見到我哋預備咗俾嘉賓嘅升級再造行李帶，GIORMANI一直朝著可持續發展方向，希望將生產過程中嘅餘料減至最低並希望餘料可以被重新利用，賦予第二生命。
今次我哋就以皮革餘料製作咗行李帶再刻上嘉賓嘅姓名，貫徹我哋個人化訂造特色，希望大家都可以一齊傳遞珍惜資源同可持續發展概念俾嘉賓同顧客。
【開幕典禮直擊】
當日有幸邀請到 商務及經濟發展局副局長 - 陳百里博士, JP，全國政協委員、立法會議員(批發及零售界)兼自由黨主席 - 邵家輝先生, JP 及 香港設計中心董事會主席嚴志明教授, JP，作為開幕典禮的主禮嘉賓及特別嘉賓。
更有Axiom Design Partnership Ltd 董事 - 梅耀祥先生為我哋介紹MP嘅室內設計主題。
【開幕典禮 五感活動直擊】
當日我哋邀請咗西洋書法家 - Wendy Tang幫嘉賓喺升級再造行李帶寫上個人化字句，大家都好踴躍將行李帶交俾Wendy寫message啊。
亦都邀請咗本地畫家Moving Drawing – Charlotte以速畫技術畫低嘉賓參加當日活動嘅盛況，送上驚喜俾佢哋，希望可以將今次活動嘅珍貴回憶帶走。
【開幕典禮直擊】
於「讓原創繼續 · 分享會」中，香港知名產品設計師 - 梁昆剛先生 與 Kelvin 更分別介紹最新產品 PURRADISE (7175A-H1) 同 PRATH (6200)俾一眾嘉賓。
而Kelvin、Jane、一眾嘉賓與在場人士一齊大合照，氣氛非常熱烈!
【開幕限定 - Chair of wonderland 與 綿綿派對】
我哋一直積極支持家具業界新一代發展，培育人才。而「Chair of wonderland」就喺我哋參與咗由香港傢俬裝飾廠商總會支持香港知專設計學院傢俱及時尚產品設計高級文憑學生的作品展覽。今次指導嘅作品為PLAY系列的「Chair of wonderland」*，以「Memphis(孟菲斯)」大膽風格作設計概念，玩味感十足。PLAY系列由香港知專設計學院家具及時尚產品設計高級文憑學生 許芷珊同學、林錦偉同學、鄭梓俊同學及劉張苓同學設計。
*「Chair of wonderland」曾於香港知專設計學院、[設計二十五載]設計展(香港會議展覽中心)、科學園、K11等展出。
而MP店1樓嘅設計樂園，有不同設計風格嘅小抱枕俾顧客自由搭配顏色與物料，令顧客感受到個人化訂造體驗。而今次為咗俾顧客可以親身體驗到梳化嘅軟硬度，我哋製作咗期間限定「綿綿派對」展覽，特別創作多達8種軟硬度的海綿粒粒俾嘉賓感受，而海綿粒粒色彩繽紛，更有不同大小，等大家可以一邊打卡，一邊感受不同嘅海綿坐感。
見到同事們喺「Chair of wonderland」同「綿綿派對」都玩得好開心啊! 暑假期間限定㗎! 記得快啲叫埋朋友仔落去打卡啦!
【G．Life Cafe 工作坊】
G．Life Cafe由GIORMANI與本地咖啡店ideaology聯乘，並由本港首位歐洲精品咖啡協會認可導師Chester Tam主理。開幕典禮當日，Chester喺
G · Life Cafe舉行咗拉花及手沖咖啡工作坊，嘉賓可以製作心形拉花圖案以及更加了解手沖咖啡沖煮方法，一眾嘉賓同同事們都玩得好開心! 小編相信之後會再有工作坊俾大家參加!
PURRADISE 產品介紹! 去片!
【大感謝】
GIORMANI旺角麥花臣旗艦店開幕典禮已經圓滿結束，非常多謝所有部門嘅支持，不論前線、後勤、工廠同事，多謝大家嘅幫忙，令到開幕典禮成功!
希望同事們都感受到我哋嘅新主題，同我哋一齊與GIORMANI掀開新一章。亦希望大家可以將我哋品牌追求嘅生活態度 - G · Life 帶俾顧客。
而G · Life 就是...
讓生活有溫度，
讓未來值得期待，
讓色彩流動，
讓原創繼續。
快啲按下「更多精彩相片」，感受當日氣氛啦!
【慈善開幕活動 - GIORMANI與奧比斯(Orbis)】
GIORMANI一直履行社會責任，有感視覺尤其重要，所以與奧比斯(Orbis)合作，為世界帶來更多光明。
我哋誠邀各方好友將禮金轉化成善款，當日Jane便將善款交予奧比斯(Orbis)代表 - 香港總幹事劉慧思女士接收。
截止8月4日，善款數字已經去到$78,888啦! 我哋非常感謝各方好友、同事們支持和積極參與，令是次活動更添意義!
Arredamenti Company Limited
歐達傢俱有限公司
ARREDAMENTI COMPANY LIMITED 版權所有，不得轉載
