【Laputa 7176A 榮獲「香港智營設計大賞2024」金獎 🎊】

有好消息宣佈，最近Laputa 7176A 登場於香港禮品及贈品展✨ 因為佢獲獎啦🎉

由香港著名產品設計師梁昆剛先生 (Ron Leung) 所設計嘅 Laputa 7176A，榮獲「香港智營設計大賞2024」家庭及家居用品類別—「智能家居」金獎 🏅，並於4月27日至30日於香港禮品及贈品展智營大賞攤位中展出。Jane 亦出席咗智營大賞展覽嘅揭幕儀式，並一暏本屆得獎作品嘅風采，以支持香港原創設計💪🏻

Laputa 7176A嘅創作理念，源於紓解都市人嘅情緒壓力，因此梳化設置環境光效系統及內置嘅藍牙音響系統，令大家可以享受梳化舒適度之餘，亦可透過音樂🎶、燈光效果嘅配合從而放鬆身心🫶🏻

【GIORMANI x 100°C 「WRAP ME UP」榮獲2023 GOOD DESIGN AWARD🎊】

仲有另一個好消息~ 茲曼尼GIORMANI聯乘本地設計團隊100°C推出「WRAP ME UP」系列多功能腳踏榮獲2023 GOOD DESIGN AWARD🎉

「WRAP ME UP」用皮革套包裹由竹組合而成的盒子配上拉鏈翻蓋，可以隨意更換皮套。除咗可以用嚟做腳踏或者當櫈仔坐之外🪑，仲可以打開拉鏈翻蓋用嚟收納物品，或者變成寵物窩居都得🐱，集多功能於一身嘅家品，係作爲House Warming禮物嘅最佳選擇🎁

GOOD DESIGN 由Eero Saarinen和Charles and Ray Eames於 1950 年喺芝加哥創立，係全球歷史非常悠久、備受認可的優秀設計獎項🏅。今年GOOD DESIGN收到嚟自55個國家嘅製造商、工業及平面設計公司嘅參賽作品，呢啲作品兼具可持續發展、出衆設計同埋卓越嘅功能。第73屆GOOD DESIGN 評審團從超過1,100 件產品設計中，挑選「WRAP ME UP」頒發2023 GOOD DESIGN AWARD，茲曼尼GIORMANI感到十分榮幸，未來亦會繼續推出更多優秀產品!

【香港同事獲邀參觀工廠】

於4月10日，香港會計部、人力資源部、銷售部、市場部、客戶服務部及物流部部分同事獲邀參觀工廠。Jane、Kelvin，以及內地工廠同事包括生產總監、研發總監、品質經理及其他同事全程耐心地介紹各個生產流程，包括產品設計開發、不同物料嘅特性、品質檢測及管理方法，梳化製作嘅過程。香港同事都好認真聆聽同主動發問，相信當日嘅見聞絕對令大家獲益良多，可以更清楚了解到由設計研發、採購原材料至檢測，再到生產及包裝，每項工序都是經嚴格監控，甚至是不斷改良進步，為求將最高品質嘅產品交到客人手中，令同事們日後嘅行政、銷售、推廣、物流和客戶服務工作進一步提升。

同時，當日行政人事經理亦分享了工廠ESG體系資料。有關用紙量，工廠於2023年複印用紙量減少210,690張 (約58%)，訂購用紙量減少216,000張 (約27%)，成績令人鼓舞，亦為香港同事帶來好好嘅啟發! 香港同事們會逐步跟上腳步，向ESG方向努力實踐!