【2024年員工聯歡會】
今年嘅員工聚餐，公司特意安排於2月23日晚上在MP店舉行聯歡會，希望大家一齊輕輕鬆鬆歡度一個難忘晚上，以此感謝同事們過去一年為公司作出嘅貢獻。
當晚準備咗豐富嘅餐點同飲品，仲有表演嘉賓—Kimmy & JM 為我哋獻唱多首流行金曲! 令大家可以一邊聽歌一邊食嘢一邊傾計，仲可以一齊跳舞添，玩得好開心~
當晚嘅重要環節，就係頒發十年、十五年及二十年長期服務獎，予多年來為公司服務及付出嘅同事，公司及Jane 十分感謝大家對公司付出嘅努力! 至於當晚未有出席而又同樣獲得長期服務獎嘅同事，之後喺Meeting 會上由Jane頒發獎項，以此表揚同事們多年嘅盡心服務。
另外當晚Lawrence亦頒發感謝狀予Sales同事，以表揚佢哋過去一年努力實踐茲曼尼的核心價值，分別於「創造價值」、「正向思維」、「尊重」、「熱誠」、「精益求精」上有出色嘅表現! 在此恭喜晒當晚咁多位得獎嘅同事👏🏻👏🏻👏🏻
最後全晚嘅highlight，當然係同事們分別上台即席表演，為大家高歌一曲。Kelvin亦都為大家獻唱陳百強嘅《深愛著你》，令全場氣氛推到最高!! 相信大家當晚都玩得非常開心，亦十分享受Kimmy & JM帶來嘅表演~
想知當晚有幾開心，就齊齊睇相啦~ 員工聯歡會舉行得咁成功，有賴Jane、Lawrence、行政部、人事部同事嘅安排同付出，令到大家有個開心難忘嘅晚上!
【ESG 無紙化活動】
為了日後可妥善處理廢紙回收，於2月起，由ESG工作小組帶領各部門處理廢紙待回收工作。2月中，各部門派出同事，齊心協力整理多個舊有Box file文件，按照回收商要求除去長尾夾及綁繩，並把所有紙張入箱，準備下一步回收。十分感謝各位同事嘅努力，令有關回收工作得以快速完成! 而其他部門亦相繼處理廢紙及清理雜物，留待進一步回收。
日後我哋一齊以「無紙化」為目標努力邁進! 繼續加油~
