【GIORMANI 茲曼尼榮獲「十年賞貼心企業」計劃嘉許】

我哋又有好消息同大家講啦! 由香港貨品編碼協會舉辦嘅第十一屆「#貼心企業嘉許計劃」頒獎禮，茲曼尼GIORMANI好榮幸獲頒發「十年賞貼心企業」計劃嘉許，以表揚茲曼尼GIORMANI對貼心服務的重視。

公司感謝每一位同事嘅努力，不論後勤或前線同事都發揮優質服務嘅水平，甚至於線上、線下都為顧客帶黎開心難忘嘅購物體驗。公司期望大家繼續努力，協助公司不斷提升服務水平，越做越優秀!

【KELVIN GIORMANI 榮獲「2021香港企業品牌大獎 – 最佳傢俱大獎」】

仲有一件開心事要同大家分享! KELVIN GIORMANI 首次獲得由本地專業設計機構「香港專業室內設計師協會」所頒發嘅「2021香港企業品牌大獎 – 最佳傢俱大獎」，讚揚KELVIN GIORMANI喺過去一年對業界及室內設計嘅支持及肯定。當日仲有好多設計師一齊交流設計心得。咁開心嘅事大家都快啲分享俾朋友、顧客知道啦。

歡迎佢哋到 KELVIN GIORMANI 店感受高級訂造的體驗!

【茲曼尼GIORMANI X 香港知專設計學院傢俱設計畢業作品展】

茲曼尼GIORMANI 一直支持及培育傢俱業界新一代發展，於今年再次參與了由香港傢俬裝飾廠商總會支持香港知專設計學院傢俱及時尚產品設計高級文憑學生的畢業作品展覽。

是次茲曼尼GIORMANI 贊助及指導的作品為「Play」，由3位香港知專設計學院設計，同學們早前到茲曼尼GIORMANI 銅鑼灣店為畢業作品選擇布料，並商議如何由設計概念製成為一件產品。當日唐小姐好樂意及開心介紹店內不同面料及特色給同學們認識，同學們亦非常好學，不斷發問藉此了解更多產品及面料知識。

而「Play」於8月初將會喺HKDI展出，到時我哋會share更多嘅相片俾大家!

【茲曼尼GIORMANI - "茲"您愛心爆棚一齊分享Comfort鬆】

由即日至8月28日，只要顧客親臨門市捐HK$100，茲曼尼GIORMANI 就會捐出一份「Comfort鬆一鬆福袋」(價值HK$740) 予香港中華基督教青年會 (Chinese YMCA of Hong Kong)。捐款者則可獲贈一張茲曼尼購物禮券(價值HK$720)以答謝支持。

除了顧客可以支持，公司同事們、親戚朋友們都可以一齊參與，一齊捐「Comfort鬆一鬆福袋」，快啲將依件咁有意義嘅事宣揚出去啦! 依家只要落嚟門市就可以送一份「Comfort鬆」俾有需要家庭，等緊你哋啊~

如同事有興趣參加，可參考以下捐款步驟:

1. 掃瞄以下QR CODE (同數碼購一樣)

2. 於數碼購Jotform 選取捐贈數量(1/ 2/ 3/…10)、付款方式及填上電郵地址，再按提交

3. 公司辦公室及各門市將設有YMCA捐款箱。同事可以直接把正確的善款放入YMCA捐款箱。

4. 最後，市場部同事將會派發$720購物禮券 (GTCV001) 俾你架啦!

(捐$100，送1張; 捐$200，送2張，如此類推)

*福袋限量300份。

【茲曼尼GIORMANI 支持原創設計帶來美好生活】

作為HKF&DA的一份子，今次茲曼尼GIORMANI 參與了 #CIFF家具博覽會呀! 仲參展咗多張PONY小馬椅同埋多張創意梳化。PONY小馬椅由香港殿堂級設計大師劉小康先生(Freeman Lau) 設計，靈感源於Freeman想起兒時把餐椅當作木馬「策騎」嘅回憶，今次仲用咗多種色彩布藝呈現，現場仲有好多小朋友坐住我哋嘅得意Pony小馬椅添!

另外，我哋仲展出多張與香港知專設計學院設計系學生Gigi Tang, Hilary, 關嘉螢嘅作品「Pixie Playground」、鄧晴之嘅作品「Sliding Sofa」，同埋盧美儀 (Viann) 及李嘉珍 (Winnie) 嘅作品「GLIDE」，呢張作品早前更於意大利米蘭展展出並得到多方讚賞添。

大家依家都可以一齊睇睇作品同當日盛況! 去片啦!