| 最新消息

2023年7月

【《Y-WE計劃》2023】

公司已經連續第六年支持由青少年發展企業聯盟(CDIA)發起嘅「我才有用」青少年工作體驗計劃(Youth Work Explorer, Y-WE計劃)，為16-20歲嘅青少年提供寶貴職場體驗機會，等佢哋及早接觸社會，擴闊視野，加強自信心同動力，為未來做好準備。Katie 7月就嚟咗我哋公司參加為期5日嘅工作體驗，有機會去到各個部門實習，仲去咗最新旺角麥花臣旗艦店做1日店員𠻹! 佢由最初唔了解公司運作，到經歷過唔同工作崗位體驗後，已經對公司加深咗唔少認識。希望佢完成學業後可以搵到自己嘅方向，喺職場大展所長。

| 我們的歐達

2023年7月

【旺角麥花臣旗艦店開幕啦】

萬眾期待! 旺角麥花臣旗艦店已於7月開幕啦! 佔地超過15,000呎嘅旗艦店以「五感」為主題，希望可以喺視覺、聽覺、味覺、嗅覺同觸覺帶俾大家有不同嘅感官體驗，店內有過百款梳化家品。仲有...

- 味覺和嗅覺: G．Life Cafe - 由GIORMANI與本地咖啡店ideaology 聯乘

- 聽覺: Music Season - 於中庭的橄欖樹、植物與彷日光的天幕下坐於GIORMANI 多款彈鉸梳化，再加上大自然音樂，彷如置身大自然的感覺。

- 視覺和觸覺: 一樓「設計樂園」可以俾顧客自由搭配心目中嘅梳化配色

大家叫埋親朋戚友行吓啦~

地址📍旺角奶路臣街38號麥花臣匯地下 (旺角港鐵站E2出口)

【拍攝Toasting影片幕後花絮】

為慶祝全新旗艦店開幕，Jane 及一眾Sales、Office同事拍攝咗一段Toasting影片，會於開幕典禮中播放。拍攝當日人才濟濟，聚首一堂，拍攝氣氛相當高漲，簡直氣勢如虹啊! 感謝各位同事嘅落力演出同配合，令拍攝順利完成。大家都一齊欣賞以下精彩嘅幕後花絮同成品影片啦~

【新推出~ 全新彈鉸梳化系列】

新梳化系列推出咗啦! 3款新彈鉸梳化採用首創嘅活動隱藏頭枕設計，十分特別。仲有零距離貼牆設計，唔需要為彈鉸梳化留位，同時梳化都可以用皮革+布藝隨意Mix & Match㗎~

【MP店介紹影片】

為咗好好介紹旺角麥花臣全新旗艦店，我地都邀請咗KOL Sarah拍攝一段MP店介紹影片，帶領觀眾一同遊覽MP店各個五感體驗區。 一齊欣賞成片同花絮相啦!

【G．Life Cafe 咖啡工作坊&試食活動 】

大家有冇留意到，MP店內有間G．Life Cafe? G．Life Cafe係同城中著名咖啡店ideaology Crossover合作。喺Cafe正式開業之前，ideaology負責人Chester 同Alex為我地office同事準備咗一個咖啡工作坊同一場試食活動，希望我地了解更多關於佢地嘅經營理念、學懂咖啡基本知識，以及為Cafe餐飲上提供寶貴意見。

Arredamenti Company Limited

歐達傢俱有限公司

ARREDAMENTI COMPANY LIMITED 版權所有，不得轉載