【父親節小盆栽工作坊】

公司於6月18日舉行了父親節幸福小花園工作坊，希望同事可以親手製作小盆栽送俾辛勤嘅爸爸，當日同事們更帶同家人一同參與，大家都玩得好開心。公司亦希望可以藉著製作小盆栽的過程減輕同事生活上的壓力，為生活增添綠色元素，令大家感受植物嘅生命力，而小盆栽慳位又易打理，辦公室同屋企都適合擺放。

我地好榮幸可以邀請到樊翠華女士 (Terry Fang - 新達化工有限公司聯合創辦人) 作為工作坊導師，教授製作小盆栽的心得。Terry更提出將今次工作坊的成本費(材料費, 車資等) 全數捐予Mother’s Choice，非常感謝佢嘅心意。另外，佢亦將當日活動相片放左喺社交媒體，希望令更多SME公司效法以下重點，與同事一同參與工作坊，建立團隊精神。

唐小姐亦希望藉著幸福小花園工作坊同大家一齊分享以下重點、感想:

1. 對親人(子女)的愛護是由了解他(子女)性格、特質開始，多欣賞。

2. 能夠成為同事是一種緣份，要懂得感恩。

3. 我們對身邊人要靜心、包容及尊重。

最後，都好多謝Winnie同Esther籌備幸福小花園工作坊，知道於籌備過程有小小波折，但全賴佢地既協助，令到工作坊可以順利舉行，可以同家人擁有一個難忘嘅體驗及回憶。

我地非常期待下一次公司活動再同大家見面!

【電視廣告首播】

有開心野就梗係要同大家分享啦，之前5月提及我哋準備緊Summer Promotion嘅電視廣告，已經喺6月14日於ViuTV首播咗，大家睇左未啊?

今次嘅電視廣告搵嚟人氣Youtuber & KOL Cherry李星熲擔任女主角，快啲將我地嘅電視廣告分享俾朋友、顧客，同埋記得提醒佢地唔好錯失呢個黃金機會啦，夏日茲感謝祭開始喇!

IG: Cherryluii (63.3k Followers)

Youtube: 智將情侶 (58.3K Followers)

好高興地宣佈 VELA CASA 開幕典禮已經於6月10日舉行，公司亦都好感謝各部門同事由籌備活動到開幕當日齊心合力幫忙，令整個活動非常順利及圓滿地舉行!

當日，我地好榮幸邀請到正身處米蘭的意大利家具品牌代表為香港的來賓進行線上直播，介紹最新家具設計及物料，令人一見難忘。亦好榮幸地邀請咗一直致力推動設計工業發展及協助零售業界抗逆嘅商務及經濟發展局副局長 - 陳百里博士, JP (Dr. CHAN Pak Li, Bernard, JP) 及立法會議員(批發及零售界) - 邵家輝先生, JP (Peter Shiu Ka-fai, JP) 作為主禮嘉賓主持開幕典禮，當日除了有多位業界嘅朋友到場支持，各間媒體亦有到場報導是次活動 (Gafencu、Home Journal、SCMP、The Standard、明報、信報、東網等)，令活動蓬蓽生輝。

VELA CASA 開幕典禮完成後，我們亦邀得立法會議員(批發及零售界) - 邵家輝先生, JP (Peter Shiu Ka-fai, JP) 與唐小姐一同將「傳遞．愛」捐款活動*的捐款交予「母親的抉擇」，由「母親的抉擇」Ms. Joy Ko 代表接收。VELA CASA 一直重視有需要的弱勢社群，希望藉「傳遞．愛」的捐款活動，將捐款代替花籃及禮物並贈予「母親的抉擇」，把愛傳遞給有需要的人。我們非常感謝各方好友支持和積極參與，讓是次活動更添意義!

*活動結束後， VELA CASA 已將總數HK$100,000的捐款捐贈予「母親的抉擇」。