【家居博覽 2023】
繼上年10月，我哋今年繼續參加喺香港會議展覽中心舉行嘅家居博覽 (6月1日至6月4日)，再下一城! 。我哋除咗擺放咗好多人氣熱賣梳化，仲加設3系梳化Corner，展示貓貓梳化，吸引到好多養寵物人士過黎睇同了解梳化資訊，攤位一直人頭湧湧，星期六日更係水泄不通啊!
另外，換領Keigo布袋登記活動反應亦相當熱烈，4日內於現場總共派出800個布袋，成功招攬更多客人成為我哋VIP會員。
於6月3日，商務及經濟發展局副局長陳百里博士更親臨我哋攤位以示支持，亦即埸試坐我哋最新彈鉸梳化，表示滿意。
今次家居博覽能夠順利完成並獲得不錯嘅成績，我哋非常感謝每個部門付出嘅努力同汗水，辛苦晒各位同事!! 唐小姐亦都好多謝大家咁多日嘅幫忙，舉辦咗一場慶功宴去慰勞大家!
