【茲曼尼GIORMANI 獲得「友商有良」嘉許計劃之「嘉許企業」】

好開心! 公司榮獲由香港中小型企業總商會頒發的「友商有良」嘉許計劃之「嘉許企業」! 於10月26日，Jane獲邀出席嘉許典禮，並領取嘉許獎狀。

「友商有良」嘉許計劃今年已經踏入第十四屆，計劃致於表揚企業積極協助青年畢業生就業或提供實習機會外，更鼓勵僱主聘請更多社會上不同需要人士就業，對象範圍包括傷健人士、再培訓人士、更生人士、少數族裔、退休人士及持有資歷架構認可資歷的人士，為弱勢社羣創造就業或培訓機會之良心企業。

公司一直積極履行社會責任，好榮幸今年第一次參與「友商有良」嘉許計劃並獲得「嘉許企業」。我哋未來都會繼續努力，肩負及推動社會責任，為社會作出更大嘅貢獻!

【奧比斯「買走黑暗」活動及世界視覺日頒發典體】

有好消息! 一連兩個月嘅奧比斯「買走黑暗」活動已圓滿結束，非常多謝各位sales同事嘅努力，因為我哋有個好好嘅成果~ 9至10月內，茲曼尼 GIORMANI共售出過百件「買走黑暗」限定產品! 連同8月MP店Grand Opening，兩項慈善活動公司為奧比斯總共募得超過8萬4千元嘅善款，成績令人鼓舞! 善款將會幫助世界各地嘅眼疾病人買走黑暗，為世界帶來更多光明。

而我哋作為買走黑暗行動伙伴嘅一份子，Jane於10月12日出席了「奧比斯世界視覺日頒發典體」。當日「奧比斯愛眼之星」嘅藝人蘇玉華仲分享早前參加奧比斯孟加拉救盲之旅嘅體驗，氣氛相當熱鬧!

【秋季家居博覽 2023】

今年10月6日至8日，我哋繼續參加喺香港會議展覽中心舉行嘅秋季家居博覽，而且延續Mega Box Roadshow所用嘅「G.Carnival」主題，將兹曼尼嘉年華帶入家居博覽!

我哋除咗擺放咗好多人氣熱賣梳化，仲有新款梳化3006A 同 6198A，好多客人對新梳化好有興趣。星期六攤位更一直keep住人頭湧湧，十分旺埸。另外，「做任務贏禮品」小遊戲反應亦相當熱烈，短短2日就成功招攬超過500位客人成為我哋VIP會員，佢哋都好踴躍喺我地展覽位置試梳化同打卡!

於10月6日，商務及經濟發展局副局長陳百里博士及展覽集團有限公司主席王學譜先生親臨我哋攤位，以示支持，亦即埸試坐我哋最新6198A彈鉸梳化，佢哋都表示坐得好舒服~

非常感謝每個部門付出嘅努力，同時亦辛苦晒開場同收場嘅同事!

家居博覽，我哋下次見啦~

【手工香水調香 WORKSHOP 花絮】

MP店係以「五感」作為主題嘅旗艦店，當然希望可以喺視覺、聽覺、味覺、嗅覺同觸覺帶俾客人不同嘅感官體驗。於10月26日，我哋就舉辦咗關於嗅覺嘅工作坊，當日邀請咗人氣香水調香導師 kaka.diary 為VIP們舉行手工香水調香工作坊，教導大家了解調香基礎理論，調配出專屬自己嘅香味，最後製作出一枝獨一無二嘅香水。

當日VIP room彌漫住濃郁嘅香味，每位參加者都好認真調配自己嘅香水㗎! 想知佢哋有幾enjoy就一齊睇相啦~