【茲曼尼GIORMANI x PLAY - Chair of Wonderland】

「Chair of Wonderland」再次於設計展展出! 由香港知專設計學院學生設計及茲曼尼GIORMANI 製作的「Chair of wonderland」早前已經於香港知專設計學院(HKDI)及香港專業教育學院(IVE)(李惠利)順利展出。「Chair of wonderland」於 2022年9月1日至3日於 [ 設計二十五載 ] 設計展展出，一個以設計為主的展覽，從多層次角度帶給觀眾教育資訊。除左有「Chair of wonderland」俾大家一齊坐吓、一齊玩吓、一齊開心吓，場內亦有其他作品，我地亦為學生們拍咗段片📹，依家可以睇住相先，剪好左之後就可以俾大家更加了解作品嘅設計理念及製作時嘅困難之處。

「Chair of wonderland」嚟緊仲會喺其他地方展出，記住留意我哋嘅update啦!

PLAY 系列設計師: 香港知專設計學院學生 - 鄭梓俊、劉張苓、許芷珊、林錦偉

【茲曼尼 X YMCA Comfort鬆一鬆慈善活動】

公司重視社會責任，一直與本地慈善團體合作舉辦工作坊及籌款活動，為弱勢社群及低收入家庭送上一份支持。今次公司決定送上Comfort鬆嘅時刻! 喺7月25日至8月28日，公司聯同YMCA推出「GIORMANI x YMCA Comfort鬆一鬆」慈善活動。只要客人捐贈HKD100，公司就會捐贈一份福袋 (1對A46布藝抱枕+$100超市禮券)比YMCA社區中心，再轉贈到弱勢社群手中。

公司好多謝各位同事嘅努力同支持，傳達分享Comfort鬆理念予客人，令客人都可以參與其中，一同為弱勢社群送上一份支持。

公司亦希望藉此特別感謝以下同事，希望往後嘅慈善活動都繼續得到你地嘅支持，一齊發揮助人精神。

冠軍 – KEN LO (YO)

亞軍 – CWING YUNG (TW)

季軍 – VENUS YEUNG (TW) & HOI LEE (MX)

【香港傢俬裝飾廠商總會邁進68週年誌慶暨第三十八屆董事會就職典禮】

由香港傢俬裝飾廠商總會舉辦的第68屆週年誌慶暨第三十八屆董事會就職典禮已經於9月26號的沙田科學園順利舉行，當日好榮幸邀請到立法會主席梁君彥議員、商務及經濟發展局副局長陳百里博士、香港海關副關長陳子達先生、邵家輝立法會議員及多位傢俬業界嘅成員出席及支持，令場面蓬勃生輝。當日多位嘉賓嘅致詞及分享令大家獲益良多，更加了解到各位對業界及社會的貢獻。而Jane於典禮中亦獲委任為常務副主兼副秘書長，我地喺度再次祝賀同恭喜Jane!!!

當日「Chair of wonderland」亦喺典禮場地展出，學生設計師Louis亦都把握機會同Kelvin了解更多「Chair of wonderland」的結構、製作上的難度及改進空間，而學生設計師Louis & Jenny 亦踴躍地向各現場來賓介紹「Chair of wonderland」的設計意念同玩法，將「Chair of wonderland」嘅歡樂帶比大家!